Токтогул шаардык Кеңешинин XXVI-чакырылышынын кезектеги
XXV-сессиясынын
ТОКТОМУ № 111

Токтогул шаары 15 март 2013 жыл

“Токтогул шаардык мэриясынын бюджетинин 2012-жылга киреше жана чыгаша бөлүктөрүнүн аткарылышы жана 2013-жылга бюджеттин киреше жана чыгаша бөлүктөрүн бекитүү жөнүндө”

Кыргыз Республикасынын “Жергиликтүү өз алдынча башкаруу жөнүндөгү” 2011 жылы 15-июлдагы № 101 Мыйзамынын негизинде, Токтогул шаардык мэриясынын ФЭБнун башчысы Н.Кулузакованын, Токтогул шаардык Кеңешинин экономика бюджет боюнча туруктуу комиссиясынын төрагасы А.Исраиловдун билдирүү, маалыматтарын угуп, талкуулап Токтогул шаардык Кеңешинин XXVI-чакырылышынын кезектеги XXV-сессиясы

ТОКТОМ КЫЛАТ:

1. Токтогул шаардык мэриянын 2012-жылга бюджеттин киреше бөлүгү (атайын каражаттар, трансферттерди кошкондо) 71498,9 мин сомго, ал эми чыгаша бөлүгү 71403,5 мин сомго аткарылгандыгы бекитилсин (Тиркеме №1,2).

2. 2013-жылга Токтогул шаардык мэриянын бюджетинин киреше жана чыгаша бөлүктөрү 75376,0 мин сомго бекитилсин (Тиркеме № 3,4).
Анын ичинен:
Теңдөөчү грант – 2385,2 мин сом
Категориалдык грант – 44183,6 мин сом
Жергиликтүү салык, салыктык эмес жыйымдар – 24085,4 мин сом
Атайын каражаттар – 4721,8 мин сом

3. Токтогул шаардык мэриянын 1% резервдик фонду 2013-жылга жалпы көлөмү 221,0 мин сом өлчөмүндө бекитилсин.

4. Токтогул райондук малекеттик салык башкармалыгынын башчысы Р.Карачаловдун кайрылуу катын карап, талкуулап эки салык инспекторлорунун, бир сектор башчысынын айлык акыларына 373,7 мин сом жергиликтүү бюджеттен кошумча каралып чыгымдалсын. Анын ичинен: Сектор башчы кызматы мэриянын штаттык тизмесинде жок болгондуктан 2256900-ар кандай кызмат көрсөтүүлөргө төлөөлөр статьясынан 182,1 мин сом сектор башчынын айлык акысы жана соц.фондго чегерүү үчүн келишимдин негизинде чыгымдалсын.

5. Кыргыз Республикасынын “Муниципалдык кызмат жөнүндө” мыйзамынын IV бөлүм, 28 беренесине ылайык айлык акыларды теңдештирүү максатында:

• шаардык мэриянын жана Кеңештин кызматкерлерине кошумча 2111- айлык акы статьясынан 115,8 мин сом жана 2121-соцфондго чегерүү статьясынан 20,1 мин сом, жалпы 135,9 мин сом өлчөмүндө кошумча чыгымдалсын.
• шаардык мэриянын аппарат кызматкерлеринин кайрылуусунун негизинде 12 кызматкерге 01.04.2013 жылдан баштап айлык маяналарына ай сайын 1200 сомдон, жалпы 152,0 мин сом кошумча чыгымдалсын.
Анын ичинен:
2111- айлык акы статьясына – 129,6 мин сом
2121- соц.фондго чегерүү статьясына-22,4 мин сом

• “Ынгайлуу шарт тузүү” комбинатына жумуштун зарылчылыгына байланыштуу 4 (төрт) жумушчу штаты алынып, айлык акылары үчүн жергиликтуу бюджеттин эсебинен 406,0 мин сом өлчөмүндө чыгымдалсын . Анын ичинен:
2111- айлык акы статьясына -346,3 мин сом
2121- соц.фондго чегерүү статьясына-59,7 мин сом

• А.Козубеков атындагы Эс алуу багынын жумушчуларынын айлык акыларына кошумча 95,7 мин сом жергиликтүү бюджеттин эсебинен чыгымдалсын. Анын ичинен:
2111-айлык акы статьясына-81,6 мин сом
2121-соц.фондго чегерүү статьясына-14,1 мин сом

• Токтогул шаардык мэриясынын алдындагы “Таза суу” мекемесинин 4 кызматкеринин айлык акыларына кошумча, жалпы 144,0 мин сом өлчөмүндө чыгымдалсын. Анын ичинен:
2111-айлык акы статьясына-122,8 мин сом
2121-соц.фондго чегерүү статьясына-21,2 мин сом

• 2013 жыл үчүн республикалык бюджеттен берилүүчү тендөөчү гранттын көлөмү аз бөлүнгөндүгүнө байланыштуу, жергиликтүү бюджеттин эсебинен 4902,9 мин сом айлык акыларды төлөө жана соц.фондго чегерүү үчүн чыгымдала тургандыгы эске алынсын.

6. Бул токтомдун 2 пункту менен бекитилген акча каражатынан арыз, кайрылууларды канаатандыруу үчүн жана Токтогул шаардык мэриясынын алдыдагы аткара турган иштери үчүн бөлүнгөн акча каражаты тиркеме №5ке ылайык чыгымдалсын, аларды тиешелүү статьялар боюнча чыгымдоо жагы Токтогул шаардык мэриясынын ФЭБнун башчысы Н.Кулузаковага милдеттендирилсин (Тиркеме №5).

7. Экономика, бюджет боюнча туруктуу комиссиянын төрагасы А.Исраиловдун сунушун эске алып, ар бир кварталда өтүүчү кезектеги сессияга бюджеттик маселелер тууралуу маалымат, билдирүү берип туруу жагы Токтогул шаардык мэриясынын ФЭБнун башчысы Н.Кулузаковага тапшырылсын.

8. Бул токтомдун аткарылышын көзөмөлдөө жагы Токтогул шаардык Кеңешинин төрагасы К.Дербишевге, аткаруу жагы Токтогул шаарынын мэри М.Калмурзаевке жана ФЭБнун башчысы Н.Кулузаковага милдеттендирилсин.

9. Бул токтом Токтогул шаарынын www.toktogul.kg сайтына (Мэрия жана Кеңеш бети) жарыяланган күндөн баштап күчүнө кирет.

Токтогул шаардык
Кеңешинин төрагасы: К.Дербишев

Токтогул поселкалык Кенешинин XXVI-чакырылышынын кезексиз
XXII-сессиясынын

ТОКТОМУ № 92

Токтогул шаарчасы 2012-жылдын 14-ноябры

Токтогул шаардык мэриянын аппаратынын типтүү түзүмүн жана штаттык санын бекитүү жөнүндө

Кыргыз Республикасынын Өкмөтүнүн 05.08.2011-жылдагы №451-токтому менен бекитилген Кыргыз Республикасынын “Жергиликтүү өз алдынча башкаруусунун” аткаруу органынын типтүү түзүмүн жана штаттык санын бекитүү жөнүндөгү токтому талкууланып, Токтогул поселкалык Кеңешинин XXVI-чакырылышынын кезексиз XXII-сессиясы

ТОКТОМ КЫЛАТ:

1. Кыргыз Республикасынын Өкмөтүнүн 05.08.2011-жылдагы №451-токтому менен бекитилген Кыргыз Республикасынын “Жергиликтүү өз алдынчы башкаруусунун” аткаруу органынын типтүү түзүмүн жана штаттык санын бекитүү жөнүндөгү 15.07.2011-жылдыгы №101 мыйзамы аткарууга алынсын.

2. Токтогул шаардык мэриянын аппаратынын типтүү түзүмү жана штаттык саны бекитилсин (токтомдун тиркемесине ылайык).

3. Токтогул поселкалык Өкмөтү өзгөртүлүп Токтогул шаардык мэрия түзүлсүн.

4. Кыргыз Республикасынын Өкмөтүнүн 05.08.2011-жылдагы №451-токтомунун негизинде Токтогул шаарынын мэриясынын укук тастыктоочу документациясын Жалал-Абад областык юстициясынан каттоо жүргүздүрүү Токтогул поселкалык Өкмөтүнүн башкы адиси К.Жумалиевге тапшырылсын.

5. Токтогул шаардык мэриянын гербдүү печать, штамп, документтерди кириштөөчү, чыгыштоочу штамптарын, шаардык мэриянын аталышын сыртка жазып илүүгө жумшалуучу акча каражаттарын бөлүп берүү Токтогул поселкалык Өкмөтүнүн ФЭБ башчысы Н.Кулузаковага тапшырылсын.

6. Бул токтомду аткаруу жана көзөмөлдөө жагы Токтогул поселкалык Өкмөтүнүн башчысынын орун басары Н.Кочоркановага тапшырылсын.

7. Бул токтом Токтогул шаарынын www.toktogul.kg сайтына (Мэрия жана Кеңеш бети) жарыяланган күндөн баштап күчүнө кирет.

Токтогул поселкалык
Кеңешинин төрагасы: К.Дербишев

Токтогул поселкалык Кеңешинин XXVI-чакырылышынын кезексиз XVI- сессиясынын

ТОКТОМУ № 72

Токтогул шаарчасы 2012-жылдын 23-январы

Токтогул поселкалык Өкмөтү тарабынан калкка кызмат көрсөтүү үчүн тарифти белгилөө жөнүндө

КР “Жергиликтүү өз алдынча башкаруу жөнүндөгү” 15.07.2011 жылдагы № 101 мыйзамынын негизинде, Токтогул поселкалык Өкмөтүнүн башчысы М.Калмурзаевдин сунуш, пикирлерин угуп, талкуулап, Токтогул поселкалык Кеңешинин XXVI-чакырылышынын кезексиз XVI-сессиясы

ТОКТОМ КЫЛАТ:

1. Токтогул поселкалык Өкмөтү тарабынан берилүүчү төмөндөгү тактамаларга паспорт бланкаларына акы төлөп кызмат көрсөтүү белгиленсин:
1. Жашагандыгы, үй-бүлөөсү тууралуу тактамага – 5 сом;
2. Мал боюнча тактамага – 5 сом;
3. Паспорттук учетко туруучу, учеттон чыгуучу жана жаны
паспорт алууга карата ар бланкаларга – 5 сом.

2. Токтогул поселкалык Өкмөтүнөн үйдүн, турак жайдын, жеке квартиралардын, жер аянтынын параметрлерин бекитүү үчүн берилүүчү токтомго 150 сом белгиленсин.

3. Кайра профилдештирүүгө, мураска калтыруу жана башка жер аянттарын тактап берүүдө берилип жаткан токтомго 200 сом белгиленсин.

4. Бул токтомду аткаруу жагы Токтогул поселкалык Өкмөтүнүн иш кагаздарын жүргүзүүчү катчы Ш.Жаманкуловага, ветеринардык инспектору, башкы адис Т.Шатманалиевге, паспорттук учет иштерин жүргүзүүчү жетектөөчү адис, ВУС инспектору Б.Мамытовага, жер, турак жай маселелери боюнча 1-категориядагы инспектор, башкы адис К.Жумалиевтерге милдеттендирилсин.

5. Токтомдун аткарылышын көзөмөлдөө жагы Токтогул поселкалык Өкмөтүнүн башчысы М.Калмурзаевге жана ФЭБ башчысы Н.Кулузаковага тапшырылсын.

6. Бул токтом Токтогул шаарынын www.toktogul.kg сайтына (Мэрия жана Кеңеш бети) жарыяланган күндөн баштап күчүнө кирет.

Токтогул поселкалык
Кеңешинин төрагасы: А. Асылбеков

ТОКТОГУЛ ШААРДЫК КЕҢЕШИ