Токтогул шаардык кеңешинин XXVII чакырылышынын кезектеги VI сессиясынын
ТОКТОМУ № 29
31-октябрь 2014-жыл Токтогул шаары
Токтогул шаарынын аймагында калкты саламаттыкты сактоо жагынан тейлөөнү жакшыртуу боюнча
Кыргыз Республикасынын “Жергиликтүү өз алдынча башкаруу жөнүндөгү” мыйзамына ылайык, “Билим берүү, медицина, маданият, спорт, жаштар саясаты, экология-санитардык абал, мамлекеттик стандарт боюнча” туруктуу комиссиясынын төрайымы М.Ондошеванын билдирүүсүн, сунушун угуп жана талкуулап Токтогул шаардык кеңешинин XXVII чакырылышынын кезектеги VI сессиясы
ТОКТОМ КЫЛАТ:
- Токтогул шаарынын аймагында калкты саламаттыкты сактоо жагынан тейлөөнү жалпысынан жакшыртуу иштери мындан ары дагы колго алынсын.
- Жогоруда аталган туруктуу комиссиянын сунушу жактырылып, ден-соолугун абалы өтө оор деп эсептелинген тургундарыбызга ыңгайлуу болуусу үчүн Токтогул аймактык оруканасынын реанимация бөлүмүн 1-кабатка которуу жагы орукананын директору Н.Т.Тешебаевага сунушталсын.
- Шаарыбыздагы Үй бүлөлүк дарыгерлер тобуна кайрылган тургундарыбызга ынгайлуу болуусу үчүн, эртең мененки убакытта өтүүчү мед.персоналдын жыйналышын түштөн кийинки убакытка которуу жагы Үй бүлөлүк дарыгерлер тобунун директору Ч.Кубибаевага сунушталсын.
- Ушул токтомдун аткарылышы боюнча кийинки сессияга маалымат берүү жагы “Билим берүү, медицина, маданият, спорт, жаштар саясаты, экология-санитардык абал, мамлекеттик стандарт боюнча” туруктуу комиссиясынын төрайымы М.Ондошевага тапшырылсын.
- Бул токтом мамлекеттик тилде кабыл алынды.
- Бул токтом Токтогул шаарынын www.toktogul.kg сайтына (мэрия жана кеңеш бетине) жайгаштырылган күндөн баштап күчүнө кирет.
Токтогул шаардык
кеңешинин төрагасы: К.Дербишев