Токтогул шаардык кеңешинин XXIX чакырылышынын
кезексиз XVII сессиясы
ТОКТОМ
2023-жылдын 12-сентябры № 39 Токтогул шаары
17.07.2023-жылдагы кезектеги ХV сессиясынын № 35 токтомунун тиркемесинин 2-таблицасына өзгөртүү, толуктоо киргизүү жөнүндө
Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу жөнүндө”, “Жергиликтүү кеңештердин депутаттарынын статусу жөнүндө” мыйзамдарына ылайык, жумуштун зарылчылыгын эске алып, 17.07.2023-жылдагы кезектеги ХV сессиянын № 35 токтомунун тиркемесинин 2-таблицасына өзгөртүү, толуктоо киргизүү жөнүндө шаар мэринин милдетин убактылуу аткаруучусу Т.Ш.Дарманованын 04..09.2023-жылдагы 01-17/855 сунушу “Бюджет, экономика, финансы каражаттары, чакан жана орто бизнес, менеджмент, маркетинг кызматы, кредит жана инвестициялар боюнча” туруктуу комиссиясынын 08.09.2023-жылдагы жыйналышында каралып, сессияга сунушталган.
Жыйынтыгында, аталган туруктуу комиссиянын жыйналышынын корутундусун, угуп жана талкуулап, Токтогул шаардык кеңешинин XXIX чакырылышынын кезексиз XVII сессиясы, токтом кылат:
- Жумуштун зарылчылыгына байланыштуу, 17.07.2023-жылдагы кезектеги ХV сессиянын № 35 токтомунун тиркемесинин 2-таблицасынан айрым иштерге белгиленген статьяларды өзгөртүү боюнча туруктуу комиссиянын корутундусу жалпысынан жактырылгандыгы белгиленсин, өзгөртүүлөр ушул токтомдун тиркемесине ылайык бекитилсин.
- Планга өзгөртүү жана толуктоолорду киргизүү Токтогул шаарынын мэриясынын ФЭБ башчысы Н.Кулузаковага милдеттендирилсин.
4. Бул токтомду аткаруу жоопкерчилиги Токтогул шаарынын мэринин милдетин убактылуу аткаруучусу Т.Ш.Дармановага жүктөлсүн.
5. Токтомдун аткарылышын көзөмөлдөө тиешелүү туруктуу комиссияга (Д.Бакиева) тапшырылсын.
6. Токтом мамлекеттик тилде кабыл алынды.
7. Токтомду мыйзамда каралган тартипте каттоого алуу, көчүрмөсүн тиешелүүлүгүнө жараша жөнөтүү жооптуу катчыга (С.Наралиева) милдеттендирилсин.
8. Бул токтом Токтогул шаардык кеңешинин www.toktogul.kg веб-сайтына жайгаштырылган күндөн баштап күчүнө кирет.
Төраганын орун басары: А.Т.Тулекеева
Токтогул шаардык кеңешинин
XXIX чакырылышынын
12.09.2023-жылдагы кезексиз
ХVII сессиясынын № 39 токтому
менен бекитилди
Тиркеме
17.07.2023-жылдагы кезектеги ХV сессиянын № 35 токтомунун тиркемесинин 2-таблицасындагы айрым статьяларды өзгөртүү боюнча ачыктама
|
№ пункт |
Мазмуну |
Мурдагы статьясы |
Өзгөртүлгөн статьясы |
|
1 |
Достук балдар бакчасынын терезелерин алмаштырууга |
3111
|
2221 |
|
10 |
Арча-Бешик б/бакчасына септик жасоого |
3111 |
2221 |
|
12 |
Мэрияга ички ажаткана курууга, калыбына келтирүүгө |
3111 |
2221 |
|
16 |
“Байчечекей” б/бакчасынын терезелерин алмаштырууга өздүк салымга |
3111 |
2221 |
|
17 |
Токтогул атындагы мектептин сырткы ажатканасын жана ички ажаткананын септигин оңдоп-түзөө |
3111 |
2221 |
|
19 |
ФАПка (Даңканайдагы) суу чыгарууга (кайрылуунун негизинде) |
2215 |
2511 |
|
20 |
Жетинчи кичи районуна көчөдөн суу чыгарууга (жашоочулардын арызы) |
2215 |
2511 |
|
21 |
Электр энергиясын жеткирүүгө 1200 метр зым, кранштейндери менен (Южвостройго), Ак-Жон конушуна электр мамычаларын алууга жана орнотууга |
3111 |
2221 |
Төраганын орун басары: А.Т.Тулекееа
Токтогул шаардык кеңешинин XXIX чакырылышынын
кезексиз XVII сессиясы
ТОКТОМ
2023-жылдын 12-сентябры № 40 Токтогул шаары
“Токтогул шаарынын Ардактуу атуулу” наамын ыйгаруу жөнүндө
Кыргыз Республикасынын ““Жергиликтүү мамлекеттик администрация жана өз алдынча башкаруу органдары жөнүндө” мыйзамына жана Токтогул шаарынын “Ардактуу атуулу” наамын ыйгаруу боюнча Жобосунун талаптарына ылайык, Токтогул шаарынын мэриясы тарабынан берилген сунуштар, Токтогул шаардык кеңеши тарабынан сунушталган талапкерлер “Өз алдынча башкаруу, депутаттын компетенция этикасы, арыздар, каттар, мыйзамдуулукту чыңдоо, спорт жана жаштар саясаты боюнча” туруктуу комиссиянын 2023-жылдын 08, 11-сентябрындагы жыйналыштарында каралып, жыйынтыгы сессияга сунушталган.
Туруктуу комиссиянын чечимин, башка депутаттардын сунуштарын угуп жана талкуулап, Токтогул шаардык кеңешинин XXIX чакырылышынын кезексиз XVII сессиясы, токтом кылат:
- Жогорудагы туруктуу комиссиянын корутундусу жалпысынан колдоого алынгандыгы белгиленсин, эсептөө комиссиясынын № 01 протоколу бекитилсин.
- Токтогул шаарынын ар тараптан өнүгүүсүнө кошкон зор салымы, кесиптик чөйрөдөгү талыкпаган эмгеги менен мыкты ийгиликтерге жетишип, элине ак ниет кызмат көрсөткөндүгү үчүн төмөндөгү тургундарга “Токтогул шаарынын Ардактуу атуулу” наамы ыйгарылсын:
Ачык добуш берүүнун жыйынтыгы менен:
- Маранбаев Аласкан Кочкорбаевичке – шаардын жашоочусу, мэриянын алдындагы “Ынгайлуу шарт” МИ мурдагы жетекчиси, учурда ардактуу эс алууда, бир нече жолу “Ардак грамоталар” менен сыйланган;
- Бусурманкулов Марэлен Касымбековичке –шаардын жашоочусу, ДЭП-23 ишканасынын жетекчиси, бир нече жолу “Ардак грамоталар” менен сыйланган;
Жабык добуш берүүнүн жыйынтыгы менен:
- Байназаров Бахрам Тумаевичке-шаардын жашоочусу, Мамлекеттик салык кызматынын Токтогул району боюнча башкармалыгынын башкы инспектору, “Мыкты салык кызматкери” төш белгиси жана башка сыйлыктардын ээси;
- Жогоруда аты аталган тургундарга “Токтогул шаарынын Ардактуу атуулу” наамына тиешелүү лента жана төш белгилерин камсыздоо, жамааттар күнүнө карата салтанаттуу тапшыруу Токтогул шаарынын мэринин милдетин убактылуу аткаруучусуна (Т.Ш.Дарманова) милдеттендирилсин.
- Токтом мамлекеттик тилде кабыл алынды.
- Токтомдун аткарылышын көзөмөлдөө тиешелүү туруктуу комиссияга (А.Джаныбаева) тапшырылсын.
5. Токтомду мыйзамда каралган тартипте каттоого алуу, көчүрмөсүн тиешелүүлүгүнө жараша жөнөтүү жооптуу катчыга (С.Наралиева) милдеттендирилсин.
6. Бул токтом Токтогул шаардык кеңешинин www.toktogul.kg веб-сайтына жайгаштырылган күндөн баштап күчүнө кирет.
Төраганын орун басары: А.Т.Тулекеева