Токтогул шаардык кеңешинин XXIX чакырылышынын
кезексиз XXIII сессиясы
ТОКТОМ
2023-жылдын 28-декабры № 56 Токтогул шаары
Токтогул шаарынын аймагында таштанды ташып чыгаруу үчүн
жыйым киргизүү жөнүндө
Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу жөнүндө”, “Жергиликтүү кеңештердин депутаттарынын статусу жөнүндө” мыйзамдарына жана Кыргыз Республикасынын “Салыктык эмес кирешелер жөнүндө” Кодексинин 73-76 беренелерине ылайык, Токтогул шаарынын аймагында таштанды ташып чыгаруу үчүн жыйым киргизүү жөнүндөгү Мамлекеттик салык кызматынын Токтогул району боюнча башкармалыгынын 27.11.2023-жылдагы № 01-04/746, 08.12.2023-жылдагы №042/23/05-07/1780 каттары “Бюджет, экономика, финансы каражаттары, чакан жана орто бизнес, менеджмент, маркетинг кызматы, кредит жана инвестициялар боюнча” туруктуу комиссиясынын 28.12.2023-жылдагы жыйналышында каралып, корутундусу сессияга сунушталган.
Жыйынтыгында, аталган туруктуу комиссиянын жыйналышынын корутундусун, башка чыгып сүйлөгөн депуттатардын сунуш-пикирлерин угуп жана талкуулап, Токтогул шаардык кеңешинин XXIX чакырылышынын кезексиз XXIII сессиясы, токтом кылат:
- Жогорудагылардын негизинде, Токтогул шаарынын аймагында коммерциялык юридикалык жактарга, андагы иштеген жумушчулардын санына жараша таштанды ташып чыгаруу үчүн жыйым бекитилсин.
- Жыйымдын өлчөмү жылына бир жумушчуга бир эсептик көрсөткүч (100 сом) өлчөмүндө бекитилсин.
- Бул токтом 2024-жылдын 1-январынан баштап колдонууга киргизилсин.
- Жыйымды төлөө жана отчет берүү мөөнөтү ар бир жылдын 1-июлуна чейин белгиленсин.
- Бул жыйым физикалык жактарга жана жеке ишкерлерге жайылтылбай тургандыгы эске алынсын.
- Токтомдун аткарылышын көзөмөлдөө тиешелүү туруктуу комиссияга (Д.Бакиева) тапшырылсын.
7. Токтом мамлекеттик тилде кабыл алынды.
8. Токтомду мыйзамда каралган тартипте каттоого алуу, көчүрмөсүн тиешелүүлүгүнө жараша жөнөтүү жооптуу катчыга (С.Наралиева) милдеттендирилсин.
9. Бул токтом Токтогул шаардык кеңешинин www.toktogul.kg веб-сайтына жайгаштырылган күндөн баштап күчүнө кирет.
Төрага: М.Т.Борбугулов
Токтогул шаардык кеңешинин XXIX чакырылышынын
кезексиз XXIII сессиясы
ТОКТОМ
2023-жылдын 28-декабры № 57 Токтогул шаары
Токтогул шаардык кеңешинини 29.12.2021-жылдагы кезексиз XXXIX сессиясынын № 22 токтомуна өзгөртүү жана толуктоолорду киргизүү
жөнүндө
Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу жөнүндө”, “Мамлекеттик жана муниципалдык кызмат көрсөтүүлөр жөнүндө” мыйзамдарына, КР Өкмөтүнүн “Мамлекеттик жана муниципалдык кызмат көрсөтүүлөрдүн типтүү стандарттары жөнүндө (03.09.2012-жылдагы № 603), “Муниципалдык кызмат көрсөтүүлөр тутумун оптималдаштыруу боюнча чаралар жөнүндө” (03.07.2014-жылдагы №302) токтомдоруна ылайык, Токтогул шаардык кенешинин алдында Биргелешкен мониторинг жана баалоо тобу түзүлгөн.
Жогорудагы топтун курамына өзгөртүү киргизүү зарылчылыгы боюнча сунуш, пикирлерди угуп жана талкуулап, Токтогул шаардык кеңешинин XXIX чакырылышынын кезексиз XXIII сессиясы, токтом кылат:
- Токтогул шаарында Биргелешкен мониторинг жана баалоо (БМжБ) тобунун курмына төмөндөгүдөй өзгөртүү киргизилсин:
- Джаныбаева Айнура Омушевна, Бадыров Мелис Болотбекович, депутаттык ыйгарым укуктарын токтоткондугуна байланыштуу, БМжБ тобу курамынан чыгарылгандыгы эске алынсын;
Алардын ордуна:
- Умарова Курманжан Эрнстовна топтун курамына киргизилсин, топтун жетекчиси болуп шайлангандыгы белгиленсин;
- Токтосунов Рысбек Райымбекович топтун курамына киргизилсин, топтун жетекчисинин орун басары болуп шайлангандыгы белгиленсин;
- Токтом мамлекеттик тилде кабыл алынды.
3. Токтомду мыйзамда каралган тартипте каттоого алуу, көчүрмөсүн тиешелүүлүгүнө жараша жөнөтүү жооптуу катчыга (С.Наралиева) милдеттендирилсин.
4. Бул токтом Токтогул шаардык кеңешинин www.toktogul.kg веб-сайтына жайгаштырылган күндөн баштап күчүнө кирет.
Төрага: М.Т.Борбугулов